O segundo plato que mais me gusta.

Xa a punto de rematar esta serie de artigos sobre as comidas que mais e menos gustan ao alumnado do colexio, imos publicar hoxe o resultado da enquisa sobre o segundo plato que mais gusta.

O segundo que mais me gusta
Pablo Camarero. O segundo plato que mais me gusta. CC BY-SA.

Como era de esperar, tendo en conta ao público ao que vai dirixido, o segundo plato que mais gusta é un plato de pasta.

Continuade atentos. Xa só falta o postre…

O postre que menos me gusta.

O postre que menos gusta
Pablo Camarero. O postre que menos me gusta. CC BY – SA.

Continuando cos platos que menos lle gustan aos rapaces, hoxe publicamos os postres.

Como se pode apreciar, o que menos lles gusta é a froita, seguida do queixo con marmelo e as natillas.

Nos vindeiros días publicaremos as comidas que mais gustan e así xa nos poderemos facer unha idea axeitada dos gustos dos nosos rapaces.

Estade atentos…

Buñuelos de pera (receita)

Buñuelos de pera
Óscar Fernández. Buñuelos de pera. CC BY-SA

Ingredientes:

  • Pera conferencia
  • 1 litro de leite
  • 100 grs de azucre
  • 8 ovos
  • Aceite de oliva
  • 100 grs de maneteiga
  • Canela en rama
  • Raiadura de limón.

Elaboración:

  1. Poñemos a fever o leite aromatizado con canela e raiadura de limón. Cando ferva metemos a manteiga e o azucre e deixamos enfriar un pouco.
  2. Engadimos a fariña tamizada e mesturamos todo.
  3. Engadimos os ovos un a un de maneira que se mestura todo de forma homoxénea.
  4. Deixamos que repouse 20 minutos e logo poñemos aceite de oliva a 180ºC nunha tixola ou rustideira.
  5. Finalmente coa pera pelada e cortada en anacos, facemos un rebozo na anterior pasta e fritimos.

*O escurrido é importante para evitar un exceso de graxa.

*Presentamos con azucre glass por enrriba e, se queremos, canela.

Polvoróns e mazapán.

Polvorones
Jorge Díaz. Polvorones. CC BY-SA

INGREDIENTES:

  • 500 grs fariña de forza (Panadería)
  • 250 grs azucre glass
  • 2 xemas de ovo
  • 100 grs amendoa tostada e picada
  • Unha pizca de canela en pó
  • 250 grs manteca de porco
  • Raíz dura dun limón

ELABORACIÓN:

  1. Tostamos a fariña nunha tixola pouco a pouco para darle unha cor escura.
  2. Facemos un volcán coa fariña e no medio engadimos todos os ingredientes: as xemas, o azucre glass, a amendoa tostada e picada, a mantéca de porco, a canela e a Raíz dura de limón.
  3. Amasamos ben todo e tapamos cun pano para que repose durante unha hora.
  4. Logo podemos facer boliñas ou cun cortapizas dar formas diversas.
  5. Metemos ao forno sobre papel de estraza ou nunha bandexa engraxada con manteiga e fariña por enrriba. 150°-25 minutos.
  6. Espolvoreamos á saida do forno co azucre glass.

ÓSCAR-TRUCOS:

  • Existen diversos sabores para engadirlle; Agua azhor, vainilla, laranxa amarga, chocolate…
  • Se queredes facer maís fácil a forma dos polvoróns podemos facer un cilindro dun determinado grosor e logo ir cortando circulos de igual grosor tamén.

¡As espinacas, alimento de Popeye!

Que máis podo dicir dunha verdura tan completa; Rica en fibra, ácido Fólico, vitamina a- c e nitritos, peeeeero ollo coa súa elaboración.

Antigamente nas dietas pediátricas coas que nos iniciamos todos nesta aventura “do comer”, as verduras de folla introducíanse na nosa dieta a partir do 9 mes de vida, ou en casos preto do ano. Hoxe en día, alárgase a entrada da espinaca, e da acelga en menor medida, por un motivo fundamental, os nitratos coa cocción prolongada transfórmanse en nitritos, perxudiciais para a nosa saúde. Así mesmo a Inxesta elevada de nitratos, tampouco é beneficiosa para o noso organismo, el mesmo xa os produce.

O problema reside no abuso da súa cocción e na oxidación das mesmas, ahí é donde os nitratos pasan a ser nitritos en potencia. Un pequeno truco que emprego na elaboración das espinacas, é engadir un anaco de cebola ou allo, xa que estés dous inhiben o poder de transformación.

Espero que vos sirva de algo…..

Lentellas

IMG_0151
Óscar Fernández. Lentellas. CC BY-SA

INGREDIENTES:

  • Lentella pardina
  • Porros
  • Allos
  • Cebolas
  • Cenouras
  • Codillo xamón
  • Osos desalgados
  • Osos de tenreira desanorados
  • Chourizo
  • Panceta afumada
  • Aceite de oliva virxe
  • Pimentón doce
  • Patacas

ELABORACIÓN:

  1. Remollo da lentella en auga fría 24 horas.
  2. Cortamos cebola, allo, porro e cenouras, limpamos e pelamos patacas
  3. Facemos un sofrito con aceite de oliva, cebola, porro, allo, cenoiras, Chourizo e panceta.
  4. Poñemos a cocer nunha marmita os osos có codillo e as lentellas (engadilas coa auga fría).
  5. Engadimos o sofrito na marmita das lentellas e engadímoslle o pimentón doce.
  6. Removemos e desespumamos á medida que faga falta.
  7. Por último e á hora aproximada de cocción engadimos as patacas en dados ata finalizar cocción despois de 90 ou 100 minutos aproximados.
  8. Deixamos repousar 15 minutos antes de servir e rectificamos a sal.

OLLO AO TRUCO!!

  • As lentellas son alimentos progresivos polo que poden aumentar de tamaño 2 ou 3 veces, de ahí que non nos deixemos enganar polo produto antes do remollo.

  • A auga fría é fundamental no remollo, así como no inicio da cocción das lentellas, e si temos que engadir auga durante a cocción, deberá ser así mesma fría, ó contrario que o garavanzo que require á auga quente en todos os anteriores apartados.
  • O sal durante o pochado ou sofrito de verduras fai que solten máis líquido e se pasen antes, fai sudar á cebola.
  • Depende do corte da pataca esta desfarase máis ou menos nas lentellas.
  • Se lavamos as lentellas antes do remollo, logo podemos aproveitar a auga do remollo para a cocción conservando todas as propiedades e evitando o “despelado” das mesmas.

                                                                              Grazas a Doramas pola túa redacción. 

“Falsa” crema de verduras.

Imaxe dos ingredientes da falsa crema de verduras xa cociñados.
Óscar Fernández. Falsa crema de verduras. CC BY-SA

Ingredientes:

  • Cabaza
  • Cabaciños
  • Porros
  • Allo
  • Cebola
  • Coliflor
  • Brécol
  • Acelga ou espinaca
  • Cenoura
  • Aceita de oliva
  • Xudías
  • Patacas
  • Osos de espiñazo salgados (desalgados no uso)
  • Codillo de xamón desalgado

Elaboración:

  1. Refogamos en aceite de oliva (un chorriño) a cebola, porro, cenoura, allo e xudías.
  2. Facemmos un fondo cos osos que logo imos engadir ás verduras refogadas.
  3. Unha vez levanta de novo a ferver, engadimos o resto das verduras e hortalizas salvo as de folla (espinacas ou acelgas)., que se meterán na crema 20 minutos antes de rematar a cocción xunto coas patacas.
  4. Finalmente rectificamos de sal e trituramos.

Óscar-consellos.

  • Non usar demasiada verdura de folla como espinaca ou acelga porque lle da un tono mais verde e fai que os repaces a rexeiten.
  • Refogamos a lume forte pouco tempo e removendo continuamente para que non se sequen as hortalizas e a verdura